Na - update namin ang aming Patakaran sa Privacy. Bisitahin ang Starlink FAQs para sa karagdagang impormasyon.

Huling na-update noong Enero 15, 2026

Ipinapaliwanag ng Pandaigdigang Patakaran sa Privacy na ito (“Patakaran”) kung paano kinokolekta, ginagamit, ibinabahagi, at pinoprotektahan ng Starlink at mga subsidiary at affiliate nito (sama-samang tinatawag na “Starlink” o “kami”) ang personal mong impormasyon habang ginagamit mo ang aming website (“Site”) o nakikipag-ugnayan sa amin tungkol sa aming mga serbisyo ng satellite internet telecommunication (“Mga Serbisyo”).

Basahin nang mabuti ang Patakarang ito bago gamitin ang aming Mga Serbisyo, bisitahin ang aming Site, o ibigay sa amin ang iyong personal na impormasyon. Sa pagbisita sa aming Site, paggamit ng aming Mga Serbisyo, o pagbibigay sa amin ng iyong personal na impormasyon, kinukumpirma mo na nabasa at naunawaan mo ang Patakarang ito. Kung hindi ka sumasang-ayon sa anumang bahagi ng Patakarang ito, huwag gamitin ang aming Mga Serbisyo, bisitahin ang aming Site, o ibigay sa amin ang iyong personal na impormasyon.

Kung isa kang enterprise subscriber ng Starlink, kumonsulta sa administrator ng account mo para sa impormasyon tungkol sa kung paano namin pinoproseso ang personal mong impormasyon.

1. Anong Personal na Impormasyon ang Kinokolekta Namin?

   Depende sa kung paano ka nakikipag-ugnayan sa aming Site o gumagamit ng aming Mga Serbisyo, maaari naming kolektahin ang sumusunod na personal na impormasyon tungkol sa iyo, na pinagsama-sama namin tulad ng sumusunod: !!i-collapse I-click ito para alamin pa.

   • Data ng Pagkakakilanlan, tulad ng pangalan, apelyido, at pamagat.
   • Contact Data, tulad ng service delivery address, email address, at numero ng telepono.
   • Profile Data, tulad ng username at password, mga binili o inorder mo, mga kahilingan sa customer service, mga interes mo, feedback at mga tugon sa survey; at mga kagustuhan mo sa pagtanggap ng mga marketing at non-marketing na komunikasyon mula sa amin.
   • Financial Data, tulad ng mga detalye ng card sa pagbabayad at billing address.
   • Dati ng Transaksyon, tulad ng mga detalye tungkol sa mga pagbabayad sa at mula sa iyo at iba pang mga detalye ng mga produkto at serbisyo na binili mo mula sa amin.
   • Teknikal na Data ng Website, gaya ng Internet protocol (IP) address, uri at bersyon ng browser, setting ng time zone at lokasyon (tinalakay pa sa ibaba), mga uri at bersyon ng plug-in ng browser, operating system at platform, at ang mga paraan kung paano mo ginagamit o nakikipag-ugnayan sa aming online portal at mga serbisyo.
   • Customer Technical Data, tulad ng data tungkol sa throughput na inihatid sa iyo sa paglipas ng panahon, connectivity ng serbisyo, latency, mga sukatan ng kalidad, data ng nakaharang sa kalangitan, oryentasyon at lokasyon ng device, mga sukatan ng kalidad ng WiFi, impormasyon ng WiFi device, at impormasyon ng pampublikong IP address na nakatalaga sa iyo sa paglipas ng panahon.
   • Data ng Lokasyon, tulad ng pangkalahatang lokasyon mo (hindi tiyak na geolocation) para mabigyan ka ng naaangkop na mga produkto at serbisyo.
   • Impormasyon sa Komunikasyon, gaya ng audio, electronic, o visual na impormasyon, anumang data sa anumang file na na-upload, na-email o kung hindi man ay ibinigay mo, ang mga nilalaman ng iyong mga komunikasyon sa amin, sa pamamagitan man ng e-mail, social media, telepono o iba pa, at mga hinuha na maaari naming gawin mula sa iba pang personal na impormasyon na kinokolekta namin. I-collapse

2. Paano Namin Kinokolekta ang Personal na Impormasyon Mo?

   Maaari naming kolektahin ang iyong personal na impormasyon mula sa mga sumusunod na mapagkukunan: !!i-collapse I-click ito para alamin pa.

   • Direkta mula sa Iyo – Halimbawa, kung nagparehistro ka para sa isang account, o humiling o bumili ng mga produkto, serbisyo, o impormasyon mula sa amin.

   • Mula sa mga Third Party – Halimbawa, puwede kaming makipagtulungan sa mga business partner, subcontractor, advertising network, analytics provider, at search information provider, na puwedeng magbigay sa amin ng personal na impormasyon tungkol sa iyo.

   • Sa pamamagitan ng Cookies at Iba Pang Online Tracking Technologies – Kinokolekta namin at ng aming mga service provider na kumikilos sa ngalan namin ang impormasyon tungkol sa aktibidad mo, o aktibidad sa mga device na nauugnay sa iyo, sa aming Site at mga application, gamit ang mga teknolohiya sa pagsubaybay tulad ng cookies, Flash cookies, pixels, mga tag, software development kits, application program interfaces, mga device identifier at web beacon. Makikita ang karagdagang impormasyon tungkol sa mga teknolohiya sa pagsubaybay at paggamit ng mga ito sa: http://www.Cookiepro.com. Puwedeng gamitin ang tracking data na ito para sa iba't ibang layunin, kabilang ang:

   • Magbigay ng mga kapaki-pakinabang na feature para pasimplehin ang karanasan mo kapag bumalik ka sa aming Site at mga application (hal., pag-alala sa impormasyon ng pagpapadala mo para sa mga pagbili ng produkto sa hinaharap);

   • Maghatid ng may kaugnayang content at naka-target na advertising batay sa mga kagustuhan, paggamit ng serbisyo, at lokasyon mo;

   • Subaybayan, suriin at i-optimize ang paggamit at pagpapatakbo ng aming Site at mga application; at

   • Pag-aralan ang trapiko sa aming Site at sa mga third-party na site.

   • Sa pamamagitan ng cookies at iba pang online tracking technology, puwede kaming mangolekta ng impormasyon sa tuwing binibisita mo ang aming Site. Maaari naming gawin ito kahit na mayroon kang nakarehistrong Starlink account o naka-log in sa account na iyon, at maaari naming iugnay ang tracking data na ito sa subscriber account mo (kung mayroon ka nito), na ituturing namin bilang personal na impormasyon. Puwedeng magbigay ang mga service provider na nangongolekta ng tracking data sa ngalan namin ng oportunidad para sa iyo na piliing hindi i-track online. Nakadepende sa privacy policy ng third party ang paggamit ng naturang impormasyon sa pagsubaybay ng third party na iyon. Hindi kami tumutugon sa mga signal ng Do Not Track (“DNT”) na ipinadala sa amin ng browser mo sa ngayon. Para alamin pa ang tungkol sa kung paano gumagana ang DNT, bisitahin ang http://allaboutdnt.com/.

   • Hindi kami nag-a-advertise ng mga third-party na produkto at serbisyo sa aming Site, pero nag-a-advertise kami ng mga serbisyo ng Starlink sa mga third-party na website, social media platform, at iba pang application. Maaari ring mangolekta ang mga third-party na website at application na iyon ng impormasyon tungkol sa aktibidad mo sa aming Site at mga application, o mga device na nauugnay sa iyo. Nakakatulong sa amin ang data sa pagsubaybay na kinokolekta ng aming mga website at platform ng advertising para matukoy kung anong mga ad ang maaari naming gamitin sa mga platform at nakakatulong sa amin na suriin ang mga pagpapabuti sa aming diskarte sa advertising.

   • Gumagamit ang aming Site ng first-party at third-party cookies para mabigyan ka ng mga serbisyo at resource na posibleng hiniling mo habang nasa aming Site. Inuuri namin ang cookies na ito sa mga sumusunod na kategorya:

   • Mga mahigpit na kinakailangang cookie – ginagamit para sa pagbibigay ng aming Mga Serbisyo, mga application, at iba pang mahahalagang functionality ng aming Site.

   • Functional cookies – ginagamit sa mga limitadong paraan para i-enable ang aming Site na magbigay ng pinahusay na functionality at personalization. Kung hindi mo papayagan ang cookies na ito, posibleng hindi gumana nang maayos ang ilan o lahat ng serbisyong ito.

   • Performance Cookies – ginagamit para bilangin ang traffic ng bisita sa aming Site para masukat at mapahusay namin ang performance ng aming Site. Kung hindi mo papahintulutan ang cookies na ito, hindi namin malalaman kung kailan mo binisita ang aming Site at hindi namin magagawang subaybayan ang mga sukatan ng performance.

   • Targeting Cookies – ginagamit namin at ng aming mga advertising partner para i-track ang bisa ng mga partikular na ad sa mga third-party property sa mga order ng customer ng Starlink. Maaaring gamitin ng aming mga third-party na partner sa advertising ang cookies na ito para bumuo ng profile ng mga interes mo para makapagpakita sa iyo ng mga nauugnay na ad sa iba pang third-party na website at platform. Hindi nila direktang ini-store ang personal na impormasyon tungkol sa iyo, pero posibleng natatanging maidentify ng mga ito ang browser at internet device mo. Kapag hindi mo pinahintulutan ang cookies na ito, makakaranas ka ng mas kaunting naka-target na advertising.

   • May kontrol ka sa personal na impormasyon na gusto mong kolektahin namin sa pamamagitan ng cookies at iba pang teknolohiya sa pagsubaybay at may kakayahang piliin ang iyong mga kagustuhan tungkol sa aming paggamit ng cookies at teknolohiya sa iyong mga pakikipag-ugnayan sa aming Site. Depende sa lokasyon mo, puwede mong i-adjust ang mga kagustuhan mo sa iba't ibang paraan. Halimbawa, maaari kang makatanggap ng abiso sa unang pagbisita mo sa aming Site na humihiling sa iyong piliin ang iyong mga kagustuhan. Puwede mo ring i-adjust ang mga kagustuhan mo anumang oras sa aming Site sa pamamagitan ng pag-click sa link na Mga Kagustuhan sa Privacy sa ibaba ng page. Binibigyan ka rin ng karamihan ng mga browser ng kakayahang mag-block, mag-delete, o mag-disable ng cookies, at maaaring hayaan ka ng mobile device mo na i-disable ang pagpapadala ng mga natatanging identifier at data ng lokasyon. Kung pipiliin mong tanggihan ang cookies o i-block ang mga device identifier, posibleng hindi available ang ilang feature ng aming Site, o posibleng limitado o hindi available ang ilang functionality. Paki-review ang mga help page ng browser o mobile device mo para sa tulong sa pagpapalit ng mga setting mo.

   I-collapse

3. Paano at Bakit Namin Ginagamit ang Personal na Impormasyon?

   Hangga't pinahihintulutan ng naaangkop na batas, maaari naming gamitin ang personal mong impormasyon: !!i-collapse I-click ito para alamin pa.

   • Para sa mga partikular na layunin ng negosyo na may kaugnayan sa mga produkto at serbisyong ibinibigay namin;
   • Para iproseso at ihatid ang mga order ng customer;
   • Para pamahalaan ang mga pagbabayad, bayarin, at singil;
   • Para pamahalaan ang aming relasyon sa mga customer, gaya ng pakikipag-ugnayan sa kanila tungkol sa aming mga produkto at serbisyo o pag-aabiso sa kanila tungkol sa mga pagbabago sa aming mga legal na abiso;
   • Para mapahusay ang aming mga kakayahan sa customer service;
   • Para pangasiwaan at protektahan ang aming negosyo at mga serbisyo, kabilang ang pag-troubleshoot, at pagsasagawa ng data analysis, testing, system maintenance, support, reporting, at hosting ng data;
   • Para tukuyin, pigilan, o kaya naman ay matugunan ang pandaraya at mga panseguridad o teknikal na isyu, kabilang ang pagsubaybay at pagpapatupad ng pagsunod sa aming mga legal na abiso, kabilang ang aming Mga Tuntunin ng Paggamit, mga patakaran sa naaangkop na paggamit, at mga naaangkop na patakaran sa privacy;
   • Para ipagtanggol ang aming mga interes kung may hindi pagkakaunawaan;
   • Para sumunod nang may mabuting hangarin sa mga naaangkop na batas, legal na proseso, at naaayong kahilingan ng pamahalaan;
   • Para sanayin ang aming machine learning o mga artificial intelligence model para sa mga layuning nakasaad sa patakarang ito;
   • Para maunawaan kung ano ang maaaring interesado ang isang customer;
   • Para maghatid ng mga nauugnay na balita, alok na promo, at iba pang content sa isang customer at sukatin at unawain ang bisa ng content;
   • Para hilingin at payagan ang isang customer na sumagot ng survey; at
   • Para gamitin ang data analytics para mag-debug, mag-optimize, at magpahusay ng aming mga produkto at serbisyo, marketing, mga ugnayan sa customer, at mga karanasan.

   Kapag hindi ka tinutukoy bilang isang partikular na tao ng impormasyong nakolekta mula sa iyo o tungkol sa iyo (hal., kapag inalis ang pagkakakilanlan nito), puwede naming gamitin ang impormasyong iyon para sa anumang layunin, kabilang ang pagpapahusay sa aming mga serbisyo, hangga't pinahihintulutan ng naaangkop na batas.

4. Kanino Namin Ibinabahagi ang Personal na Impormasyon?

   Maaari naming ibahagi ang personal mong impormasyon sa mga sumusunod na kategorya ng mga tao:

   !!i-collapse I-click ito para alamin pa.

   • Mga Service Provider Namin: Puwede naming ibahagi ang personal mong impormasyon sa aming mga affiliate, service provider, at third-party collaborator para sa mga layuning isinaad namin sa itaas (hal., pagho-host at pagpapanatili ng aming mga online na serbisyo, pagsasagawa ng mga serbisyo sa pag-back up at pagso-store, pagpoproseso ng mga pagbabayad, pagpapadala ng mga komunikasyon, pagsasagawa ng mga serbisyo sa advertising o analytics, o pagtugon sa mga request mo kaugnay ng mga karapatan sa privacy) at, sa mga limitadong sitwasyon, para sa pagsasanay ng mga artificial intelligence model, kabilang ang para sa sarili nilang mga layunin.
   • Mga Ahensya ng Pamahalaan o Tagapagpatupad ng Batas, Regulator, Propesyonal na Tagapayo, o Auditor: Kapag kinakailangan ng naaangkop na batas, o kung sa palagay namin ay kinakailangan para protektahan ang sinumang tao mula sa kamatayan o malubhang pinsala sa katawan, puwede rin naming i-transfer ang personal mong impormasyon sa mga regulator ng pamahalaan o ahensya ng tagapagpatupad ng batas bilang tugon sa mga request mula sa mga naturang entity.
   • Mga Organisasyong Kasali sa mga Business Transfer: Kung ibebenta, pagsasama-samahin, o muling naming aayusin ang aming kompanya, inaasahan naming ita-transfer ang personal na impormasyon na nakolekta namin sa surviving o acquiring entity alinsunod sa naaangkop na batas.

   Maaari din naming ibahagi ang iyong personal na impormasyon sa mga third party batay sa iyong kahilingan o nakasulat na pahintulot na gawin ito.

   Bilang customer ng Starlink, puwede kang magbahagi ng impormasyon sa mga third party (halimbawa, kapag nagpadala ka ng email o nakipag-ugnayan sa isang third-party website). Sa kontekstong ito, hindi kami nagbabahagi ng personal na impormasyon; ginagamit mo ang aming Mga Serbisyo para magbahagi ng data, at kinokonekta ka lang namin sa Internet.

   I-collapse

5. Paano Namin Pinoprotektahan ang Personal na Impormasyon?

   Nagpapatupad kami ng mga teknolohikal, pisikal, at administratibong pamamaraan para protektahan ang personal mong impormasyon mula sa pagkawala, maling paggamit, hindi awtorisadong pag-access, pagsisiwalat, pagbabago, at pagsira, na isinasaalang-alang ang mga panganib na kasama sa pagproseso at ang katangian ng personal na impormasyon. Ine-encrypt din namin ang impormasyong ipinadala sa at mula sa equipment ng Starlink mo, at sinasanay din namin ang aming mga empleyado tungkol sa kahalagahan ng privacy at seguridad.

   Bagama't sinisikap naming panatilihing ligtas ang impormasyon, hindi namin magagarantiya na mapipigilan ng aming mga hakbang sa seguridad ang bawat hindi awtorisadong pagtatangka na i-access, gamitin, o ihayag ang personal na impormasyon. Pinapanatili namin ang mga pamamaraan para harapin ang anumang pinaghihinalaang paglabag sa personal na impormasyon, at aabisuhan ka namin at ang anumang naaangkop na regulator ng isang paglabag kung saan kami ay legal na kinakailangan na gawin ito.

6. Ang Iyong Mga Karapatan sa Privacy

   Maaaring mayroon kang mga legal na karapatan na i-access, i-update, o burahin ang ilang partikular na personal na impormasyon na mayroon kami tungkol sa iyo, o para paghigpitan o tumutol sa kung paano namin ito ginagamit. Kung mayroon kang ganoong mga karapatan at gumawa ka ng lehitimong kahilingan, gagawin namin ang iyong hinihiling. Para magamit ang mga karapatang ito, mag-email sa amin sa privacy@spacex.com. Para sa seguridad mo, puwede kaming humingi sa iyo ng partikular na impormasyon para matulungan kaming matiyak na ikaw talaga ang gumawa ng kahilingan at hindi isang taong walang karapatang makatanggap nito.

   Para sa iba pang impormasyon tungkol sa mga karapatang posibleng naaangkop sa iyo, suriin ang mga addenda ng patakaran na partikular sa bansa mo:

   • Kung residente ka ng isang US state na nagbibigay sa iyo ng ilang partikular na karapatan kaugnay ng personal mong impormasyon, nalalapat din sa iyo ang aming Paunawa sa Privacy ng US State. Tandaang nalalapat lang ang Paunawa sa Privacy ng Estado ng US sa mga estadong may komprehensibong batas sa privacy, gaya ng California, Colorado, Virginia, Connecticut, at Utah.
   • Kung nasa European Economic Area, United Kingdom, o Switzerland (sama-samang tinatawag na "EEA+") ka, nalalapat din sa iyo ang aming Paunawa sa Privacy ng EEA+.
   • Kung nasa Mexico ka, nalalapat sa iyo ang aming Paunawa sa Privacy sa Mexico.
   • Kung nasa Brazil ka, nalalapat sa iyo ang aming LGPD Privacy Notice.
   • Kung nasa Nigeria ka, nalalapat sa iyo ang aming Paunawa sa Privacy sa Nigeria.
   • Kung nasa South Korea ka, nalalapat sa iyo ang aming Paunawa sa Privacy sa South Korea.

   Para mag-opt out sa mga marketing communication, mag-email sa amin sa privacy@spacex.com o, kung naaangkop, sa pamamagitan ng pagsunod sa mga instruction na kasama sa email o text. Tandaan na, kahit nag-unsubscribe ka mula sa ilang partikular na sulat, maaaring kailanganin pa rin naming makipag-ugnayan sa iyo tungkol sa mahalagang impormasyon sa transaksyon o pang-administratibo, ayon sa pinahihintulutan ng batas.

   Para mag-opt out sa paggamit ng mga third-party collaborator ng data mo para sa artificial intelligence model training, mag-navigate papunta sa mga setting ng user mo at i-check ang kaugnay na opsyon.

7. Privacy ng mga Bata

   Hindi namin sinasadyang mangolekta o manghingi ng anumang personal na impormasyon mula sa mga batang wala pang 16 na taong gulang. Kung sakaling malaman namin na nakakolekta kami ng personal na impormasyon mula sa isang bata, agad kaming gagawa ng mga hakbang para i-delete ang impormasyong iyon. Kung isa kang magulang o legal na tagapag-alaga at sa tingin mo ay ibinigay sa amin ng iyong anak ang kanyang personal na impormasyon, puwede kang mag-email sa amin sa privacy@spacex.com o makipag-ugnayan sa amin gamit ang impormasyong nakalista sa seksyong "Makipag-ugnayan sa Amin" sa ibaba.

8. Pagpapanatili ng Datos

   Papanatilihin namin ang personal mong impormasyon hangga't kinakailangan para matupad ang mga layunin kung bakit ito kinolekta o anumang mas mahabang panahon ng pagpapanatili na iniaatas ng batas. Karaniwang pinapanatili ang impormasyon ng Starlink account habang may account + 2 taon, maliban kung may mas mahabang panahon ng pagpapanatili na iniaatas ng batas.

9. Mga Third-Party na Website

   Hindi kami responsable para sa mga kasanayan na ginagamit ng anumang mga third-party na website o serbisyo na naka-link sa o mula sa aming Site, kabilang ang impormasyon o nilalaman na nasa loob ng mga ito. Hinihikayat ka naming mag-imbestiga at magtanong bago magsiwalat ng personal na impormasyon sa mga third party, dahil ang anumang personal na impormasyon na isiniwalat ay sasailalim sa naaangkop na patakaran sa privacy ng third party.

10. Mga Pagbabago sa Patakarang ito

    Maaari naming i-update ang Patakarang ito para ipakita ang mga pagbabago sa aming mga kasanayan, legal na rekisito, at mga inaalok na serbisyo, kaya regular na bumalik para tingnan ito. Kapag patuloy mong ginamit ang aming Site o Mga Serbisyo, ipinapahiwatig nito na sumasang-ayon ka sa mga na-update na tuntunin.

    Makipag-ugnayan sa Amin

    Email: privacy@spacex.com

    Postal Mail: Space Exploration Technologies Corp., Attn: Privacy/Legal, 1 Rocket Road, Hawthorne, CA 90250